اللوحة رمزية
قالت شاعرة العبابسة أم حمدتو في أخيها الخليفة حين تزوج سنباي شعرا كثيرا جدا ذكر أنه لم ينتهي من العشية للصبح وهي تحفظ كثيرا من كرامات الأجداد وتلبسها حلة حماسية بهية حين تذكرهم، ومن ضمن ما قالته من أشعار بالعامية:
عاجبني جديدك يا جليس الروكه
دايراك متل أبوي ولا تشبه أبوكا
والحاجه إن قست يجوا يشوروكا
سلطان أم قرين ينزل يفرش أبوكا
ومنها قولها أيضا:
نحنا البركه في كفتنا..
ونحنا اللي للخلوق متل الخريف خلوتنا..
نحنا محررين عزة قريش نسبتنا..
مطرود السلس عتقوه في بقعتنا..
ومنها قولها كذلك:
نحنا العندنا في الدين شباعة روايه..
علم وكرم و قرآن كراماتًا بينات وولايه..
واحدين الغزال كضمت علي القشايه..
وواحدين في يومن حجوا قطعوا المالح بلا عدايه..
ومنه:
نحنا العندنا الفايت علي أندادو
نحنا العندنا الضيفانو كور يترادوا
نحنا العندنا البي الجود مسبل زادو
نحنا العندنا المرقوب يربي ولادو
ومنه:
نحنا العندنا اللامين جميع القيمه..
نحنا العندنا الخلوه البرن تعليمها..
نحنا العندنا البقعه السمح تقديمها..
نحنا العندنا المرقوب يتم النيمه..
ومثله أيضا:
نحنا المن خلقنا بطارا
ونحنا الما بجونا ولاد أبونا سكارى
مره فوق خيول ومره تلوح الطياره
مره يردوا سوق بحري و يدلوا تجاره
وربما ينسب لها:
نحنا ما ناس شكاكين نخنق النخره
إن شاء الله العقاب يخلى
واحدين تماسيح في البحر
وواحدين صقور في السهله
وقت القول كمل
من بطونهم مرقنا السخله
نحنا المانا القصار بنزيد
واحدين في صلاة العيد
وواحدين بقروا في التوحيد
وواحدين للعليل ومريض
وتقيلة جدنا العباس ليها نزيد
نحن الفي دار رباط بينين واحدين في الجزر محددين الطين
وواحدين بحرثوا ويعيشوا المسكين وواحدين بالنجوم واردين
وواحدين بشرحوا الورقه ويقيموا الدين
ليست هناك تعليقات:
إرسال تعليق