قصيدة: "عبابسه" بالعامية السودانية (فخر واعتداد) - بقلم: الإمام عكاشة

نحنا "عبابسه" أصلا جد
وأب عن أب عن الأجدادْ
**

كبيرنا كبير بني هاشم
عصبة سيد الأسيادْ

**

أغاث صحب الرسول بالغيث
ويسقي ولاده لسه بلادْ
**

جدالنقشوا في الخاتم
يكون المولي لينا عمادْ
**

وجد الملكوا والغانم
من المنصور والقادم بكون عضّادْ
**

وبكره تجدنا يانادم
علي ظهر النجوم شدادْ
**

نشمر وفينا كل عازم

نقيم الحق طريق ورشادْ
**

ويحسم سيفنا من حاسم
يعدل الميله بالعبّادْ
**

نحنا القمره لو تمرق
علينا تطل تشيل الزادْ
**

تنور بينا شمس الكون
ومهما يكون منحناأيادْ
**

يا مجنون أولاد هارون
والمتوكل الأمر وسيف سجادْ
**

أبونا عكاشة لوشفته
سليل البذلوا والزهادْ
**

هداك الغيم رحل باسم
 شهيد ما مات حتف في رقادْ 

**

نحن سياسة في المحفل
لغيرنا الناس ولا بتنقادْ
**

ونحن أساسها حين نزعل
بنخرب رصة الأعدادْ
**

ونحن فراسه لو نقبل
بنصل الميس قبل ميعادْ
**

ونحن نفاسه حين نقدل

فخر الجيل بلا أندادْ
**

ونحن مقاسها ما تمتر
بتتحدر يجيك قدر الله ماله نفادْ
**

بحرنا دميره لا تنزل
وقت عكّر

بشيل تمساحه يملا الوادْ

**

نحن العتره شرف الدين
أبوناأصالة الأسيادْ
**

وفي الكاسنجر المعروف
بلا تعريف ثراه النادْ
**

أهلنا مشايخ القرآن
خلاوي الأحمداب عدادْ
**

وجدنا كان رديف الخير
حبر الأمة يا جحاد

**

بتحقرنا يحقرك الله في أهلك
يكون أمر الله بالمرصادْ
**

خلاص مرقونا من جنه
وهداك رضوان مقبل صادْ
**

ولا سكنتونا قعر النار
مع الكفار رقدنا رقادْ
**

ولا حجبتوا ضي العين
حياتنا بقت بلا أبعادْ
**

هداك عزريل مقبل جاي
وغضب الله وقبيلة عادْ
** 

وشلتوا الروح تشحتفوا فيها في الأجسادْ
**

ماها الدنيا مابتسوى
وقبلكم فيها فرعون سادْ
** 

ومن بيتكم طردتوا الضيف

وقلتوا كمان رجال الله
والله بعادْ
**